Sariwang simoy nang hangin: Ating pag masdan Ang kagandahan nang pulo, hanging bridge

 



Noong weekend napagpasyahan ng aking mga kaibigan na bisitahin ang lugar ng Pulo Hanging bridge. Noong una nagdadalawang isip pa nga kami dahil sa kalagayan ng panahon.  Bandang tanghali ay gumanda-ganda naman ang kalagayan ng panahon,kaya napagpasyahan namin na bisitahin ang Pulo hanging bridge para maranasan namin ang tunay na pahinga at marelax-relax naman ang aming mga isipan.







 Bandang 12 ng hapon nagkita-kita kami sa aming brgy, para maihanda narin ang aming mga sarili sa lugar na aming pupuntahan. Habang kami ay papunta roon binigyan kami ng ideya ng isa naming kaibigan kung ano ang mayroon sa lugar na iyon, kami ay labis na namangha at 'di na makapaghintay na masilayan ang lugar na magsisilbi naming pahinga kahit sa maikling sandali. Ang hanging bridge ay may kalayuan din mula sa aming lugar,habang kami ay naglalakbay ay sumasabay din ang buhos ng ulan ngunit hindi ito naging hadlang,kami ay tumuloy pa rin. bandang  12:30 na kami nakarating. Ang iba pa nga sa amin ay may karamdaman, ngunit hindi ito naging hadlang para aming lakbayin ang lugar na hindi namin akalain na gano'n kaganda. Kami ay lubos na namangha sa lugar na 'yon. 
 





Unang pagkakataon kong masilayan ang lugar na 'yon,sabi ng aking kapatid noong kami ay nasa elementarya pa lamang kami ay naglakbay doon,dahil nga siguro sa edad ko wala akong matandaan. Nakakatuwang isipin na minsan na pala kaming naglakbay sa lugar na 'yon. Simple lamang ito ngunit napakaganda, malinis ang tubig, malamig ang simoy ng hangin at makikita mo talagang inaalagaan ito ng mga naninirahan sa lugar na ito. 




Sinubukan din naming maglakad sa tulay na gawa sa bakal, noong una pa nga ay nagdadalawang isip kami dahil sa kalagayan ng tulay na ito,ngunit hindi kami nagdalawang isip na subukan ito upang maranasan din namin ang feeling na makaapak sa tulay na ito. bigla akong napaisip, ang tulay na ito ay kalawangin na, bakas na ang pagkatanda, marami ng mga taong nakaapak at nasilayan ang tunay na ganda ng lugar na ito,siguro nga ang  iba pa ay bumyahe ng napagkalayo-layo upang masilayan ang ganda ng lugar na ito. Tunay ngang kay gandang manirahan sa isang probinsya,mahirap ngunit hindi mo ikakaila ang saya.




 Habang kami ay nagmumuni-muni, at tinatanaw ang kagandahan ng lugar na ito, sa maikling sandali ay hindi namin naramdaman ang pagod, sakit ng katawan at stress. Bagkus ay aming naramdaman ang tunay na pahinga,pahingang hindi namin akalain na sa lugar lamang pala namin ito madarama. Sadya nga namang kahanga-hanga ang kagandahan ng lugar na ito. 




Hindi namin namalayan ang oras dahil sa tuwa at galak na aming nadarama, kahit hindi ganoong napaghandaan naging worth it naman at wala kaming pinagsisihan. Paglalakbay na aming babalik-balikan, at magsisilbing magandang alala sa bawat isa.



Dito sa lugar na ito siguradong makakamtam mo ang tunay na saya, sayang hindi matutumbasan ng kahit ano pa. Pahingang hindi matutumbasan ng kahit ano. Sa lugar na ito dito ko masasabing nahanap ko na  'yung tunay 'peace'. 

kaya't tayo ng lakbayin ang lugar na puno ng ganda. Simple ngunit napakaganda.

Comments

Post a Comment

Popular posts from this blog

Pambihirang kagandahan ng Balete Tree o Millenium Tree

Image
 Sa mga nagdaan na araw na puno ng mga problema. Nagsabay sabay na problema sa pera, pamilya, pag-aaral, at iba pa. Kasama ang aking mga kaibigan, naisipan namin na pumunta sa isang lugar na kung saan makakalanghap ng sariwang hangin at makasulyap ng magandang kapaligiran na makakatulong upang aming pansamantalang makalimutan ang reyalidad at makahinga sa mundong ating ginagawalawan. At unang pumasok sa aming isipan ang pinakamalapit at sikat na pasyalan na pinupuntahan ng maraming turista, na nagmula pa sa iba’t - ibang sulok ng Pilipinas at ang iba ay nagmula pa sa ibang bansa. Ang pinaka malaking puno ng Balete sa buong Asya, na may lawak na higit kumulang animnapung (60) metro, taas na animnapu’t  lima (65) metro, at tinatayang edad na higit sa 600 taon ay nagbibigay ng kahanga-hangang tanawin. Mula sa aming paaralan, naglakad kami sa patag at malawak na kalsada patungo sa natatanging Balete Tree o tinatawag ding Millenium Tree ng Brgy. Quirino, Maria Aurora, Aurora na a...
Read more

Puno ng Kagandahan: Ating lakbayin ang paraiso ng Marieya Resort.

Image
Napapalibutan tayo ng isang malawak na mundo na puno ng mga gawain at mga responsibilidad na naghihintay na ating tuparin. Kaya naman minsan kailangan din nating magpahinga at takasan ang mga pasaning ito. Sa harap ng mga pagsubok at trahedya na umiiral sa mundo, mayroong isang pook na nag-aalok ng panandaliang pahinga at katahimikan— ang Marieya Resort.  Isang araw, ako at kasama ng aking mga kaibigan ay nag desisyon na magpahinga muna sa mga gawain at responsibilidad kaya nagpasya kaming mag piknik sa lokal na turismo ng aming barangay, ang Barangay Santa Lucia kung saan matatagpuan ang paraiso ng Marieya Resort. Dahil sa aming palagay mas mahalagang itaguyod namin ang aming lokal na kayamanan kaysa sa mga malalayong lugar.  Ang Marieya Resort ay kilala rin noon bilang Maracay Resort na dating pagmamay- ari ni Nancy Lacuata ngunit ngayon ito ay pagmamay- ari na ni Auril Rey Saturno Duyag. Ang resort na ito ay matatagpuan sa Purok 3, Brgy. Santa Lucia Maria Aurora, Aurora...
Read more

Silayan at damhin ang ganda ng dikaan falls

Image
  Noong isang araw, kasama ang aking mga kaibigan, kami ay nagplano na magkaroon ng isang kakaibang adventure. Sa halip ng mga karaniwang tourist spots, nais naming bisitahin ang isang hindi gaanong sikat na talon sa aming kapit-bahay na barangay na tinatawag na Dikaan Falls, ito ay isang maliit na talon at nanggagaling ito sa taas ng bundok, ang daan patungi dito a makipot at mahaba kasya din dito ang motor subalit alam namin na malakas ang agos ng tubig dito sahil umulan sa mga panahon na iyon, kaya kami ay nag pasya nalang na pag dating namin sa looban ay lalakadin nalang namin ang huling ilang metro ng daan. Nang dumating ang ika-12:00 ng tanghali, kami ay sabay-sabay na nagkita-kita sa bahay ng isa naming kaibigan. Ni isa saamin ay walang bitbit na gamit ang tanging dala lamang namin ay pera, cellphone at ang sarili namin. Excited kami na simulan ang aming paglalakbay at maranasan ang kagandahan at katahimikan ng Dikaan Falls. Sinakyan namin ang isang tricycle para makarating ...
Read more